Рубрика: » » ПОЛОЖИТЬ НАЧАЛО ДЕЯТЕЛЬНОМУ ПОКАЯНИЮ... Акафист преподобным воинам - схимонахам. Канон покаянный ко Господу о гресех народа русскаго

ПОЛОЖИТЬ НАЧАЛО ДЕЯТЕЛЬНОМУ ПОКАЯНИЮ... Акафист преподобным воинам - схимонахам. Канон покаянный ко Господу о гресех народа русскаго

Акафист преподобным войнам - схимонахам

Александру Пересвету

и Андрею Ослябе



Скачать akafist-voinam-shimonaham.doc [79 Kb] (cкачиваний: 560)

 

Кондак 1


Избрании от рождения ратницы духовнии, воспеваем вам умиленно, воспоминающе о подвизе вашем, и глаголы благодарныя возносим: Радуйтеся, Александре и Андрее, воини преподобнии (Радуйтеся, Алекснадре и Андрее, преподобнии воини русскии).

 

Икос 1


Ангелам небесным подобно, из воинства духовнаго явленнии войску русскому во укрепление, подвижницы Христовы, смиренно послушание исполнившии и венцы духовнии победно приявшии. Мы же, грешнии, к вам припадаем, подвиг ваш духовный сице славим: Радуйтеся, воини праведнии; радуйтеся, русския победы знамение. Радуйтеся, монаси благонравнии; радуйтеся, послушницы славнии. Радуйтеся, ратницы непобедимии; радуйтеся, Духом Божиим хранимии. Радуйтеся, монашеский хитон избравшии; радуйтеся, на поле брани просиявшии. Радуйтеся, Александре и Андрее, воини преподобнии.

 

Кондак 2


Видел есть Господь, яко раби вернии во святей обители подвигами возросте, примером иноческому житию бысте, волю Божию исполнившии, святыми молитвами окрепшии, Богу Вседержителю вопияше: Аллилуиа.

 

Икос 2


Разумом не вместити высоту подвига вашего, сердце же его радостно приемлет, и мы недостойнии, святих молитв ваших вопрошающе, о подвизе вашем знаменном с радостию возглаголем: Радуйтеся, поклонницы Царя Христа; радуйтеся, усерднии Христовы ратницы. Радуйтеся, молитвенницы обильнии; радуйтеся, Христовым Духом сильнии. Радуйтеся, в сонме святых российстих просиявшии; радуйтеся, за веру Богу жизнь предавшии. Радуйтеся, молитвами благоухавшии; радуйтеся, ими врагов отгнавшии. Радуйтеся, Александре и Андрее, воини преподобнии.

 

Кондак 3


Силою Божию просвещеннии, елеем благодатным помазаннии, на подвиг ратный благословеннии, в духовней брани землю русскую отстоявшии, святых наставников наследницы, со ангели ныне славословите Бога: Аллилуиа.

 

Икос 3


Имуще любовь Христову, вси блага мiрстии ни во что вменисте, вси богатства и имения раздасте, на подвиг ради спасения духовнаго ушедшии, его же во страданиих обретшии, спустя столетия на победу вашу взираем и благодарно возопиим: Радуйтеся, монаси досточтимии; радуйтеся, ангели, облаченнии в схимы; радуйтеся, за Русь святии молитвенницы; радуйтеся, веры Христовыя светильницы; радуйтеся, духовно умиленнии; радуйтеся, на поле брани упокоеннии; радуйтеся Царствия Божия наследницы; радуйтеся, Ангелов святии собеседницы; радуйтеся, Александре и Андрее, воини преподобнии.

 

Кондак 4


На бурю вражиих напастей с духовным плачем взирали есте, да спасет Господь Русь православную, вашими молитвами и ныне спасаемся, с любовию ко Господу припадаем: Аллилуиа.

 

Икос 4


Слышавше Слово Божие, велие оное приемше, спасения шлем обретосте, во иночестве страсти низложивше, ножем духовным врагов спасения отметавше, молитвы непрестаннии ко Господу возносивше, победу достойно обретшии, и ныне мы победе вашей радуемся: Радуйтеся, схимницы смиреннии; радуйтеся, Святым Духом исполнении. Радуйтеся, воини русскии; радуйтеся, шедшии тропы узкия. Радуйтеся, защитницы усерднии; радуйтеся, победительницы нерукотвореннии. Радуйтеся, Светом Христовым просиявшии; радуйтеся, победу над смертию приявшии; радуйтеся, Александре и Андрее, воини преподобнии.

 

Кондак 5


Боготечною звездою победа ваша просияла есть, за веру Христову с любовию постояли есте, землю русскую от неверных языков очищающе, и ныне Бога победно хвалите: Аллилуиа.

 

Икос 5


Видевше Света Истины, к Солнцу Правды сердце обратисте, обителию Бога души соделавшии, и врага духовнаго не убоясте и врагу ратному не вмале ниже предасте, твердость духа вашего, яко урок усердный, со умилением прославляем: Радуйтеся, Евангелия любители; радуйтеся, воинам ратным покровители. Радуйтеся, Христа и Бога зрители; радуйтеся, смирению учители. Радуйтеся, воини мужественнии; радуйтеся, насельницы дружественнии. Радуйтеся, сомолитвенницы славнии; радуйтеся, семена засеявшии на Руси державнии. Радуйтеся, Александре и Андрее, воини преподобнии.

 

Кондак 6


Проповеданием незримым ныне сияете, землю русскую духом прозресте, святым праотцам воспевающе, и Отечеству меру измеристе, Божиим даром его восприимше, и мы ныне с усердием с Вами припадаем и с покаянием Богу глаголем: Аллилуиа.

 

Икос 6


Возсиял есть Христос в сердцах праведних, святих ликов узреть начертания не возмогли бы, аще послушание не бысте исполнили, сердцем ко Господу горесте, жизнь за веру сложити готовии, и мы укрепления духовнаго просим и со смирением восклицаем: Радуйтеся, благодатнии послушницы; радуйтеся Христовы ратницы. Радуйтеся, Богом хранимии; радуйтеся, земнии Херувими. Радуйтеся, Силу Божию приявшии; радуйтеся, за спасение жизнь отдавшии. Радуйтеся, Христа во славе сретившии; радуйтеся, в сонме праведнем светящии; радуйтеся, Александре и Андрее, воини преподобнии.

 

Кондак 7


Хотевше спасения единого, награды земнии с покаянием отвергшии, с усердием к Богу припадосте, во святой обители иноческаго образа сподобльшии, окормляемии благодатным наставничеством, награды небеснии обретосте, к Богу одесную молите: Аллилуиа.

 

Икос 7


Новии избранницы Христовы, стремена духовнии одернусте, видевше немощь человеческую, Богом на пути подъятии и за усердие возрадованнии: Радуйся, Александре, Челубея-злаго победивший; радуйся умерщвление от онаго приявший. Радуйся, венец за подвизи от Бога получивший; радуйся, Андрее, на поле ратнем главу победно сложивший. Радуйся, обретый упокоение; радуйся, во святых прославление. Радуйтеся, блазии ратницы; радуйтеся, Христовы подвижницы; радуйтеся, Александре и Андрее, воини преподобнии.

 

Кондак 8


Странное чудо зрим умиленно, Царица Преблагая, на подвиг воинов своих ты обличила еси, слыша молитвы русския и прошения. Русь святую ты не оставила еси, Христовых воинов во обители раиския приимшая, тамо они ныне благодарственно Богу взывают: Аллилуиа.

 

Икос 8


Вси святии дивятся, яко архангели небеснии отсупников диаволских низвергосте, тако воини преподобнии сразисте языков неправедних, с Именем Божиим на устах, Его заступничество призывающе. И мы, недостоинии и грешнии, с замиранием сердечным молим: Радуйтеся, ратницы непобедимии; радуйтеся, человецы, духовною скверною неопалимии. Радуйтеся, Богородице молитвенницы; радуйтеся, Христа ученицы; радуйтеся, войнам Христовым пристанище; радуйтеся, воинам ратным прибежище. Радуйтеся, молитвенницы знаменнии; радуйтеся, схимницы праведнии. Радуйтеся, Александре и Андрее, воини преподобнии.

 

Кондак 9


Вси помышления свои к Богу возносите, спасители земли русския, и ныне нас не оставляете, с плачем святым сердечным к Отцу Небесному взываете: Аллилуиа.

 

Икос 9


Ветии многовещаннии, яко рыбы безгласныя, не возмогут возрещи высоту подвига вашего, для пределов русских знаменнаго, мы же, окамененнии, Духа Божиего просим и с покаянием сердечным восклицаем: Радуйтеся, в битве духовней победу земную одержавшии; радуйтеся, за веру Христовую пострадавшии. Радуйтеся, воини победители; радуйтеся, от страстей омытии. Радуйтеся, скорбями иноческими очищеннии; радуйтеся, Христовым Духом просвещеннии. Радуйтеся, небеснии послушницы; радуйтеся, за Россию святии заступницы; радуйтеся, Александре и Андрее, воини преподобнии.

 

Кондак 10


Спасти хотите, премилосердно, души русския, защитницы всем с верою к вам прибегающим и молитвенно к заступничеству вашему взывающим. И мы, разумеюще ваше успеяние, к Богу возопиим: Аллилуиа.

 

Икос 10


Стена еси людем русским, славное чудо явил еси, Господи, на поле брани Куликовом, духовных воинов ратниками земными соделал еси,  прославляя землю русскую, и мы благочестно к сим воинам взываем и их усердно славим: Радуйтеся, русския Церкви украшение; радуйтеся, русския земли спасение. Радуйтеся, всадницы святии; радуйтеся, защитницы Руси. Радуйтеся, князем святим избрании; радуйтеся, Богом утверждении. Радуйтеся, Евангелие приявшии; радуйтеся, в вере твердо постоявшии. Радуйтеся, Александре и Андрее, воини преподобнии.

 

Кондак 11


Пение благодарно приносим о воинех земных и небесных. Силою свыше укрепляемии, на подвизе ратнем просиявшии, дружину русскую прослависте, в убиении жизнь приемше, непрестанно ныне глаголете: Аллилуиа.

 

Икос 11


Светозарною свещею молитва святых отец ваших от натиска диаволскаго вас ограждала есть; и вы покорливии в послушании, суровии ко врагу иноверному, на нас с плачем взираете, а мы усердно взываем: Радуйтеся, святии праведницы; радуйтеся, благочестия ратницы. Радуйтеся, победы вместилище; радуйтеся, заветов Христовых хранилище. Радуйтеся, трудов покаяния стяжатели; радуйтеся, победы русской зачинатели. Радуйтеся, плодов велиих показатели; радуйтеся, процветания Руси благовестители. Радуйтеся, Александре и Андрее, воини преподобнии.

 

Кондак 12


Благодати двери отверзшии, Христа во страданиих вопрашасте, молитвы ваши Господь приял есть, и вы возмогли есте с чистым сердцем славословити: Аллилуиа.

 

Икос 12


Поюще смирение ваше, его же с умилением славим. Души не отдав погибели, в подвизе усердном пребывасте, и камения с души низложивше, в Небесных Землях во веки радуетеся. И мы к вам припадаем и в сокрушении сердечном взываем сицевая: Радуйтеся, ратницы святии; радуйтеся, попечители блазии. Радуйтеся, за Россию молитвенницы; радуйтеся, небеснии праведницы. Радуйтеся, подвижницы статнии; радуйтеся, мученицы благодатнии. Радуйтеся, Духа Святаго приятели; радуйтеся, блаженнаго покоя получатели. Радуйтеся, Александре и Андрее, воини преподобнии.

 

Кондак 13


О воини святии, Александре и Андрее, христолюбивым смирением вашим вы Русь с колен подъяли есте, Россию прослависте, православную силу в земном бою показавше, знамением народу нашему бысте, умолите и нам, грешным, спасение и днесь Руси очищение и укрепление в твердыне веры православныя, мы же о вас всехвально Бога славим: Аллилуиа.

 

(Сей кондак глаголи трижды и паки чтется 1-й икос)

 

Икос 1


Ангелам небесным подобно, из воинства духовнаго явленнии войску русскому во укрепление, подвижницы Христовы, смиренно послушание исполнившии и венцы духовнии победно приявшии. Мы же, грешнии, к вам припадаем, подвиг ваш духовный сице славим: Радуйтеся, воини праведнии; радуйтеся, русския победы знамение. Радуйтеся, монаси благонравнии; радуйтеся, послушницы славнии. Радуйтеся, ратницы непобедимии; радуйтеся, Духом Божиим хранимии. Радуйтеся, монашеский хитон избравшии; радуйтеся, на поле брани просиявши. Радуйтеся, Александре и Андрее, воини преподобнии.

 

Кондак 1


Избрании от рождения ратницы духовнии, воспеваем вам умиленно, воспоминающе о подвизе вашем, и глаголы благодарныя возносим: Радуйтеся, Алекснадре и Андрее, воини преподобнии.

 

Молитва


Воини небеснии, ангели досточтимии, сокрушенно к вам припадаем и с плачем умиленным просим: Не оставите землю русскую, напасти от врагов терпящу, изменами исполненну, лицемерством диавольским задавленну. Умолите Бога Вседержителя о спасении народа нашего, в подвизех монахов укрепите, Церковь русскую от расколов, ересей, лжеучений уберегите, народу русскому православное единство, праведное, о Бозе, умолите, войско русское в Православии утвердите, победы оному на полях сражения даруйте. Святии преподобнии воини Александре Пересвете и Андрее Ослябя, молите Бога  о нас, грешных. Аминь.

 


 

Канон покаянный ко Господу

о гресех народа русскаго



Скачать kanon-pokayannyy-ko-gospodu.doc [73,5 Kb] (cкачиваний: 420)

 

Песнь 1


Ирмос: Яко пред народем израилским/расступися море Чермное,/аки агница послушная,/вода в сушу обратися,/тако народу русскому,/Господи, молю Тя: ныне во спасение  явися.

 

Помилуй нас, Боже, помилуй нас

 

Сердце молитвою обливается, плачу, Господи, о душах народа русскаго, отступлением хладным днесь расслабляемых, в сети диаволские уловляемых, покаянием отвергаемых, Господи, вонми молению моему.

 

Помилуй нас, Боже, помилуй нас

 

Просторы необъятныя, Ты, Господи, нам даровал еси, леса густыя и реки водныя, крини обильныя, победны ратныя. Прости неблагодарныя ны, Господи, яко ступая, убегохом от Закона Твоего.

 

Помилуй нас, Боже, помилуй нас

 

Отцы наша православною верою утверждени быша, на водах Днепра крещение прияша, спасение крестное избраша, а мы Завет попрахом, прости нас, Господи, мы отвергохомся Закона Твоего.

 

Слава:

 

Люди русскии, Господи, днесь в срамном оступлении, веру отцов позабыхом, благами земными во лжи утешаемии, идолам бренным, аки иудеи отступныя, поклоняемся, безумно отвратившеся Закона Твоего.

 

И ныне:

 

Богородице, христианом Заступнице, необъятною доброты Пристанище, Русь уделами Своими прославила еси, угодником Божиим пути указующи, а народ наш убегоша от Закона Возлюбленнаго Сына Твоего.

 

Песнь 3


Ирмос: Господи Всеблагий,/Радость моя покаянная,/Несть Свят якоже Ты Спасителю мой Прещедрый/помилуй мя, неученаго,/помилуй мя, немощнаго,/меч духовный вложи в недостоиная устна моя.

 

Помилуй нас, Боже, помилуй нас

 

Тайна беззакония, яко червь доброту поедающий, лукавство в народе нашем породила есть, первородным грехом питаяся, души русския пожигающи, в пламень огненный я направляющи.

 

Помилуй нас, Боже, помилуй нас

 

Како мы закостенехом безумием, како страстьми укоренихомся, духом своим в вещественное обратихомся, с бесом на погибели играюще, Тебя, Господи, уничижаем, попирающе Законы Судныя.

 

Помилуй нас, Боже, помилуй нас

 

Ныне о гресех из глубины рыдаем, во Страсе Твоем, Господи обретохом ся, аще не оставим беззакония своя, в тму кромешную водворени будем и тяготою безбожною мучимии, безнадежно возрыдаем во век.

 

Слава:

 

Прости ны, окаянныя, Господи, прости яко Тя позабыхом, прости аще верою ко земному раю лживому утвердихомся, прости, яко властем безбожным внимахом, яко с попранием святынь малодушно смирихомся.

 

И ныне:

 

Богородице, Трисиянная, милосердая, величавая, добротою Своею помилуй ны, сокрушением живым напитай души наши затвердевшии, во гресех окаменевши, за люди русския, прошу, молися.

 

Седелен, глас 6

 

Испепеляет рыдание душу мою, внегда вижу отступление тяжкое, яко камень неуемный людем русским на рамена духовныя давяще, ум от сердца нерскаяннаго отвращающее, прелестию диаволскую души русския поражающе, Господи, от злобы погибельныя ны огради.

 

Песнь 4


Ирмос: Слава Силе Твоей, Господи,/души русския прославившей,/лик святых огнем пополнившей,/просиявших над Россиею,/русских сонм святых избравшей,/слава, Господи Неизреченной Силе Твоей.

 

Помилуй нас, Боже, помилуй нас

 

Православная вера плоды велии дала в народе русском: доброту духовную, нестяжательность, кротость, послушание, смирение, милосердие, терпение, а народ наш в разгорячении безумном сии плоды блазии растеря.

 

Помилуй нас, Боже, помилуй нас

 

Иже есть Церковь Спасительную не почитает, иже гордостию диаволскою веру святую попирает, иже пианством обуревается, иже недугом блудным погибает, чую ся частию народа сего и с плачем глубоким вопию Ти, Господи, помилуй ны.

 

Помилуй нас, Боже, помилуй нас

 

Дети наша злобою поражени суть, себялюбием исполнени, чародейством тонким с экранов губительно завороженнии, родителей не чтят, за греси наши нераскаянныя пороком смертным измальства предаются.

 

Слава:

 

Зрю во ужасе: безумие ступает: мужи русския аки жены являются, жены русския родити не хотящи, во чреве младенцев погубляют, развратом неуемным гаснут, Господи беззакония страшныя прости и нас не погуби.

 

И ныне:

 

Море милости неизлиянное, Богородице Всеблаженная, рода русскаго Покровительнице, святых русских Ты еси Собеседнице, за Россию благая Молитвеннице, спаси и помилуй люди своя.

 

Песнь 5


Ирмос: Господи мой, Господи,/Ты еси дыхание мое,/Ты еси Ум мой,/Ты еси Сердце мое,/очисти прокаженную душу мою/и не остави мя во век.

 

Помилуй нас, Боже, помилуй нас

 

О Бозе тоскует сердце мое, внегда вижу народ мой, лестию диаволскою обуянный, зрелищами позорными пресыщенный, без Духа Божия опустошенный, Господи, прости народ мой и облагодати.

 

Помилуй нас, Боже, помилуй нас

 

Развратихомся в безумии, смехом страсти покрываем, опивству предаемся тяжкому, улыбкою с блудом играем, мшелоимством забавляемся: како грешнии о исходе души своя не помышляем.

 

Помилуй нас, Боже, помилуй нас

 

А иже есть от нас и над Церковью смеется, священство посрамляет, предания не чтит, и не зрит, яко сам не молится и в тму души кромешную сие творит, вразуми нас, русских, Господи, рабов Твоих.

 

Слава:

 

Слезами умываюся, стенания разрывают сердце мое о народе моем, Господи, не ввери ны в руце погибели, избави ны от плена греховнаго, избави ны от прелести диаволския, грешнии есмы, Господи, раби Твои.

 

И ныне:

 

Царице Небесная, пресвятая Богородице, колико Ты нам помогала еси, Россию славную милуя,  Русь державную прославляя, слава Тебе, наша пречистая Покровительнице.

 

Песнь 6


Ирмос: Человеколюбче Господи,/Милосердый наш Владыко,/долготерпиши наши согрешения,/ к покаянию взывая,/ не остави нас Спасителю,/к Жизни души наши грешныя Ты приведи.

 

Помилуй нас, Боже, помилуй нас

 

До дна опустишася люди русския, порок на место Бога возносяще, духовным смрадом питаяся, в стяжании нечистом от Бога уклоняяся, земному долу покланяемся, Господи вразуми ны и помилуй ны.

 

Помилуй нас, Боже, помилуй нас

 

Лестию воспитании, немилосердием уязвлении, яко свиния у поильницы, во гресех валяемся, устремления к самоугодию всяческому направляем, небесное на земное заменихом, прости нас, окаянных, Господи.

 

Помилуй нас, Боже, помилуй нас

 

Соборную славу растеряхом, державу русскую развалихом, како не разумеем: от Господа наказание во вразумление несем, и не покаемся, совсем погибнем, Прости нас, неразумных, Господи.

 

Слава:

 

Тако реку: народ русский единый есть, ветвия онаго разныя: великоросы, малоросы, белорусы суть. Ныне же за греси наши разделены мы, яко псы друг с другом лаемся, прости нас, Господи, и соедини.

 

И ныне:

 

Мати моя всеблагодатная, прости нас, окаянных, и покаяния отверзи двери нам, Царица наша преблагая, Утешительница всеславная,  нас, нераскаянных, спаси.

 

Кондак


Воззови, народе мой, ко Господу, восплачи о гресех своих, покаянием исполнися, ко греху затворися: мы же люди русския, православныя, мы Христовы есмы.  Спастися, Господи, нам помози.

 

Икос


Господи, любви Безбрежный Океане, терпения Могущество, посети ны Духом Своим, напитай ны Спасением, просвети ны покаянием, дабы нам в Раи водворитися, дабы в Тебе растворитися, дабы песнию вечною Тебя восхвалити.

 

Песнь 7


Ирмос: Отроцы еврейстии/огнем не опалими быша,/искренне веру восприяша/и победу получиша,/ тако нас, Господи, от огня неправды огради,/Боже отец наши благословен еси.

 

Помилуй нас, Боже, помилуй нас

 

Развлечения безумного жаждем, мыслим, аки им насытимся, не вем, яко пустоту духовную обретаем, от Бога отвращаемся, Иже  во веки благословен еси.

 

Помилуй нас, Боже, помилуй нас

 

Не благодарим Тя, Господи, за Твои благодеяния, за щедроты Твои, токмо на ближняго ропщем, на других чрез бервно свое негодуем, взаим глаголов: Боже отец наших благословен еси.

 

Помилуй нас, Боже, помилуй нас

 

Не вем, яко вера _ Жизнь есть, иже хочет спастися, остави все и за Господом следуй. Мы же вмале невернии, страстем покланяемся, от Креста отвращаемся, забывающе, яко Боже отец наших Преблагословен еси.

 

Слава:

 

Ты наше безумие терпиши, народ русский не оставляя, ожидаеши покаяния, о спасении промышляя, Боже отец наших, Преблагословен еси.

 

И ныне:

 

Царице Премилосердая, Мати преблагословенная, руководиши избранники Свои, о Христе нас наставляя, чудеса неруктворныя являя, Сын Твой преблагословен еси.

 

Песнь 8


Ирмос: Христе Иисусе мой,/Именем Твоим отрезвляюся,/ сокрушенно в сердце на народ свой взираю: како не восхваляем Имя твое,/ ум свой затворив,/ Боже просвети ны во век.

 

Помилуй нас, Боже, помилуй нас

 

Преград колико на пути спасения, а мы их одолевати и не думаем, сетями диаволскими опуташеся, сладостию тленною соблазняемся, аще не образумимся, возрыдаем во век.

 

Помилуй нас, Боже, помилуй нас

 

В лета последняя, души русския без покаяния умираша, мужи без войны_ опивством убиваются, жены беспечностию погибают. Страх пронзает сердце мое, внегда вижу сие, Боже спаси мя во век.

 

Помилуй нас, Боже, помилуй нас

 

Апостол рече: Последняя времена, спасайтеся. Како можем беззакония творити ныне, сами прелести в скверныя уста ступаем, льстивому зверю податливии, начертанию скверному прилепляемии, Господи, от сего огради ны во век.

 

Слава:

 

Вем скверну свою, Господи, не можем без Тебя добра творити николико, помози ны стопы во благое направити, веры святыя нам даруй, Духом Своим ны возроди, благословен еси Ты во век.

 

И ныне:

 

Богородице Марие, Звездо наша путеводная, Родительнице кротчайшая, России Покровительнице, без Тебе не узрим свет, Ты еси наша Спасительнице.

 

Песнь 9


Ирмос: Сына Своего паче всех возлюбила еси,/яко Спасителя рода человеческаго,/любовь Трисвятую стяжала еси,/о людех православных пече1шися,/не остави народ наш,/о душах русских Сына Своего моли.

 

Помилуй нас, Боже, помилуй нас

 

Припадаю к вам, святии русскии, помолитеся за народ наш нераскаянный, преподобнии, мученицы, исповедницы, святители и праведницы Бога о душах русских молите.

 

Помилуй нас, Боже, помилуй нас

 

Святии Царственнии Мученицы, небесною славою осияннии, простите грехи наши нераскаянныя: попущение убиения вашего, смутовластию поклонение, Бога о душах русских молите.

 

Помилуй нас, Боже, помилуй нас

Аще не покаемся, всуе погибнем, слезно, Господи, Тя о прощении просим, вдохни Ум Свой в сердца наша, веру русскую оживотвори, души русския спаси.

 

Слава:

 

Верую, яко кровь новомучеников не всуе быша, яко святыя русския во наша спасение просияша, немощен народ мой, но в Бозе свят, прости ны, русския, Господи, и в Дусе Своем возроди.

 

И ныне:

 

Невесто Неневестная, Царице Ты державная, Тебя хвалю, к Тебе припадая молю Ти: не остави ны и Сына Своего Всесильного за души русския моли.

 

Молитва


Господи Царю Премилосердый, прости согрешения тяжкия народа нашего, прости люди Твоя за отступление безумное от Закона Святаго Твоего, яко мы заповеди Твои попрахом, лицемерием уязвлении, духу нечистому предаемся, Церковь Святую не почитаем, спасение не ищем, не рыдаем о гресех своих безудержных. Прости нас, Господи, яко мы духом времени обуяннии, в суете, неге чувственною расположении, телесам бренным потакаем, опивством смертным забавляемся, улыбкою звериною со блудом играем, мшелоимством наполняемся.

 

Прости, Господи, родов русских отступление: Помазанника Твоего низвержение, власти диаволскою потакание, разрушение святынь Твоих. Прости, Святый Вседержителю, неверство наше, яко идолам бездушным покланяемся, пред западом темным губительно пресмыкаемся. Утверди на камени веры  народ наш, Господи, русскую Церковь Православную кораблем спасения нашего соделай. Отрезви очеса духовныя народа нашего, без Тебе ничесоже творити не можем. Тобою едины есмы. Помози нам единство православное обрести, на пути праведныя возстати, Римом Третиим достойно быти,  козни антихристовыя поражающе, дорогу к Тебе, Святый Премилосердый Господи, Духом Твоим освящающе. Укрепи ны в сражениях ратных, возроди величие народа нашего, русскаго, иже Тобою Силен и Тобою Свят. Уберези Церковь земную от лжеучителей всяческих, чистою ю соделай звездою путеводною нашею. Прости нас, Господи, отступников грешных, родитися в Дусе Твоем державою православною во спасение нам помози. Слава Тебе, Спасителю наш, Отче, Сыне и Святый Душе ныне и присно и во веки веков. Аминь.

20 сентября 2017   Просмотров: 5879   
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.