Люди то только отвержение Христа разумеют, когда христианин устами и словом Христа отвергается. И подлинно, сие есть отвержение Христа, и есть тяжкое и пагубное дело, ибо отрещися Христа есть отрещися живота, и повергнуть себе в явную смерть. Но есть и другое подобное тому отвержение Христа. А оно тое есть, которое бывает делами и беззаконным житием. О сем отвержении глаголет Апостол: Бога исповедуют ведети, а делы отмещутся Его, мерзцы суще и непокориви, и на всякое дело благое неискусни. Тит. 1:16.

Есть убо отвержение Христа языком, есть отвержение и делом. Не ласкай убо, христианине, себе, что ты христианин, когда не благочестиво, но беззаконно живеши. Кто презирает повеление, тот презирает и оставляет повелевающего. Неверный раб господину своему есть, который послушания ему не показует. Какий есть раб Христов тот христианин, который Христа не слушает? Что Мя зовете, глаголет Господь, Господи, Господи, и не творите, яже глаголю? Лук. 6:46 И паки глаголет: иже несть со Мною, на Мя есть. Мф. 12:30.

Всяк беззаконнующий христианин не со Христом есть, убо есть противу Христа, убо есть противник Христов, убо отреклся Христа, хотя и глаголет Ему: Господи, Господи. Блудодействуеши ли, христианине, прелюбодействуеши и иным образом душу и тело твое оскверняеши: отвергаешися Христа. Держиши ли на ближняго твоего гнев, и умышляеши, как его повредить: отвергаешися Христа. Простираеши руку твою на похищение и грабление чуждаго добра: отвергаешися Христа. Льстиши ли, лукавнуеши и обманываеши ближняго твоего: отвергаешися Христа. Клевещеши ли, ругаеши и поносиши ближняго твоего: отвергаешися Христа.

Словом, всякое беззаконное дело противу совести и от умысла сотворя, отвергаешися Христа; и столько раз страстной твоей похоти жрешь (ред. приносишь жертву), как идолу, сколько раз ее слушаешь. Отрекись убо похоти, убеждающей тя на злое дело, и слушай Христа, и не будешь отрицаться Его. Златых, сребряных, медяных и древяных идолов удобно (ред. легко) храниться; но от тех (ред. идолов), которые внутрь нас суть, то-есть в сердце нашем, весьма неудобно.

Иже Христовы суть, плоть распяша со страстьми и похотьми Гал. 5:24. Последовательно не Христовы суть, которыи не распяша плоти со страстьми и похотьми. А когда не Христовы суть: то уже рассуди, что они суть пред Богом? какая их молитва? какая их жертва и приношение?

О, колико есть ложных христиан! колико под именем христианским идолопоклонников крыется! От плода древо познается: и христианин от веры и добрых дел. Покажи ми веру твою от дел твоих Иак. 2:18, требует от тебе, христианине, Апостол. Обратися убо, христианине, и покайся, умерщвляй плоть твою со страстьми и похотьми, да будеши истинный христианин, и добрую надежду возымееши о Христе Иисусе.

Творения Иже во святых отца нашего Тихона Задонского «Сокровище Духовное»

16 января 2011 Просмотров: 6 848