Мироточивая Иверская икона Божией Матери и убийство инока Иосифа Муньоса

Ровно через год после прославления в 1981 г. Новомучеников Российских во главе с Царской Семьей - в 1982 г. в Русской Православной Церкви за границей была явлена написанная на Афоне в 1981 г. мироточивая икона Иверской Божией Матери. Хранителем иконы по воле Божией стал чилиец испанского происхождения, Иосиф Муньос Кортес (13.5.1948-30.10.1997).

 
Родился он в родовитой и благочестивой семье в Чили. В возрасте 14 лет по дороге в католический храм он заблудился в кварталах Сантьяго и по ошибке зашел в православную церковь. В тот день, 27 сентября, был праздник Воздвижения Животворящего Креста Господня. Красота убранства храма, икон и богослужения произвела на мальчика огромное впечатление, и с тех пор он начал посещать эту церковь. Два года спустя архиепископ Леонтий Чилийский с ведома родителей благословил Иосифа принять Православие, затем три года Иосиф изучал иконопись и богословие.
 

В 1982 г. во время паломничества на Святую Гору Афон Иосиф в иконописной мастерской Спасо-Рождественского скита увидел поразивший его образ Божией Матери. Он просил продать ему эту икону, но получил отказ. Тогда он стал молиться Богородице с просьбой позволить ему взять эту икону с собой. Уже покидая монастырь, Иосиф с радостью увидел поспешавшего к нему игумена, который вручил ему икону со словами: «Пресвятая Дева должна уехать вместе с вами».

 

Находясь на борту судна, отплывавшего в афонский порт Дафни, Иосиф услышал голос, повелевавший ему отправиться в Иверский монастырь и приложить свою икону к знаменитому образу Божией Матери Вратарница, Покровительницы Афона - с этого образа как раз и была списана поразившая его икона. Он исполнил это повеление. Вернувшись в Монреаль, Иосиф поместил икону у себя в комнате и каждую ночь читал перед ней акафист. В том же году она начала мироточить. Мироточение иконы происходило постоянно и обильно, усиливаясь по большим праздникам и прекращаясь во время Страстной седмицы. Так эта икона стала одной из главных святынь Русской Зарубежной Церкви.

 

Брат Иосиф говорил о причине получения этой благодати: «Мы получили эту Божию милость не за наши какие-то заслуги, - мы ничего не заслуживаем! - но за кровь тысяч мучеников, пролитую в России и в других странах. Русский народ благоговел перед Божией Матерью более тысячи лет с такой истой к ней любовью и столько пострадал за веру, что Божия Матерь не могла этого забыть! Я думаю, что Россия - единственная страна, так сильно пострадавшая, и это потому, что вера там была очень сильна.

 

В этой стране столько мучеников, столько исповедников! Мне кажется, что если бы Франция, Испания и Германия испытали бы нечто подобное, они бы погибли. Нигде не было такого величайшего почитания Господа и Его Пречистой Матери, как в России. Мы получили эту благодать не по нашим достоинствам, но за молитвы тысяч новомучеников, явленных и потаенных, дабы мы отверзли вере наши сердца».

 

А для Иосифа началась новая жизнь как хранителя этой святыни. Он объехал с иконой все храмы Русcкого Зарубежья во множестве стран мiра, обычно скромно стоя позади молящихся во время богослужения и ничем не выделяясь. По молитвам к иконе произошло множество исцелений и иных чудес, ее слава росла и в России. Иосиф говорил, что самым великим чудом мироточивой иконы было то, что она подвигала людей к покаянию. Инок Иосиф мечтал посетить с иконой увеличивавшиеся тогда в числе российские приходы РПЦЗ для их духовной поддержки.

 

Иосиф полюбил историческую Россию и говорил: «Россия была великая империя, самая большая, могучая, она дала міру несравненную ни с чем красоту... У нее симфония между Церковью и государством была настоящей, и поэтому ее разрушили. Думаю, что Господь допустил страдания при коммунизме отчасти для того, чтобы русские не погибли в ужасном материализме. Россия должна воскреснуть сильной духовно, потому что нет ни одного уголка в России, который остался бы не омытый кровью мучеников. Кровь мучеников - семя христианства.

 

Эти семена дадут всходы, Россия воскреснет и своим светом будет освещать весь мір, потому что нет ни одного народа, который так пострадал за Христа, как русский... Когда Россия воскреснет, она действительно заслужит звание Святой Руси, Дома Пресвятой Богородицы». О чуде мироточивой иконы Иосиф привел объяснение одной благочестивой девушки: «Как мироносицы помазали тело Спасителя до Его Воскресения, так и Божия Матерь теперь помазывает русский народ перед воскресением России» ("Православная Русь", 1993).

 

Иосиф часто возвращался на Афон, также и с чудотворной иконой. Есть сведения, что на Афоне он принял монашество с именем Амвросий (в честь преподобного Амвросия Оптинского). Постригал его старец Климент, который в 1982 г. вручил ему Иверскую икону Божией Матери и затем стал его духовным отцом. Летом 1996 г. Иосиф посетил Афон, чтобы проститься с отходящим к Богу схиигуменом Климентом. Тогда схимник сказал Иосифу, что в 1997 г. произойдут грозные для него события. Накануне своей мученической кончины Иосиф с иереем Александром Ивашевичем посетил монастырь свт. Николая на греческом острове Андрос, при этом древний настенный образ Богоматери в монастыре стал обильно слезоточить. Иосиф сказал своему спутнику, что ожидает нечто страшное в ближайшее время.

 

17/30 октября 1997 г. в Афинах хранитель мироточивой иконы брат Иосиф Муньос был зверски убит, на его теле остались следы пыток. Из данных расследования, оглашенных на суде над подозревавшимся румыном, можно предположить, что Иосифа скорее всего заманили в ловушку под предлогом, что кто-то нуждается в его помощи. Экспертиза установила профессионализм мучителей и убийц. Сатанинский их почерк очевиден и в том, что сразу после убийства об умученном Иосифе были пущены грязные слухи, которым, к сожалению, некоторые поверили...

 

Вероятной целью убийства было завладение иконой и воспрепятствование ее приезду в Россию. Икона, находившаяся (по слухам) в Монреале, пропала, а через два месяца сгорел и православный собор в Монреале, где она часто пребывала. Через две недели после убийства мученика Иосифа хоронили на монастырском кладбище в Джорданвиле - при этом его открытое тело не имело признаков тления. А на сороковой день после кончины на могиле произошло самовозгорание свечей.

 

Один из священников Московской патриархии, выступая на мероприятии Международного Славянского фонда, сказал еще в конце 1990-х гг., что ему известно местонахождение иконы и что она вернется. Инок Всеволод Филиппьев писал в 1999-2002 гг.: «Нас утешает мнение двух духовных лиц, игумена Рождественского скита на Афоне и игумена монастыря святого Николая на острове Андрос, где Иосиф был за день до своей смерти. Оба утверждают, что икона в хороших руках». Cогласно последним правдоподобным слухам, икона была вскоре после убийства брата Иосифа передана из Канады на Афон... - Прим. М.Н., октябрь 2010]

 

Источник: https://www.rusidea.org/?a=25103015

 

 

Брат Иосиф (Александр Александров) [2000 г., Православные подвижники благочестия, VHSRip] СКАЧАТЬ

 

Акафист Пресвятой Богородице перед Ея мироточивой иконой, именуемой "Иверской Монреальской"

 

alt

  

 Кондак 1


 Избранной от всех родов Заступнице рода христианскаго, даровавшей нам чудное знамение от иконы Своея честныя и миро благовонное от нея источившей, благохвальное пение приносим во умилении сердечнем. Ты же, яко имущая владычество над тварию всякою, обновление сердца и жития подаждь нам, зовущим: Радуйся, благая Вратарнице, двери райския верным отверзающая.


 Икос 1


 Ангелом говейная икона Твоя, о Владычице, возсия нам в последняя времена сия, яко источник благодати Божественныя неистощимый, да вси вернии, с любовию припадающии Тебе и пред образом сим благоговейно кланяющиися, возопиют Тебе песнь похвальную сице: Радуйся, Дево, от века Господом предызбранная; радуйся, от взора человеча до времени премудро утаенная. Радуйся, дщи Адама перстнаго; радуйся, праматери Евы исправление. Радуйся, в естестве отпадшем рожденная; радуйся, превыше ангельскаго естества добродетелию вознесенная. Радуйся, в гаданиих пророки предобразованная; радуйся, рождеством Твоим сеновное служение упразднившая. Радуйся, от неплодове пречудно возсиявшая; радуйся, плодоносие духовное верным даровавшая. Радуйся, чаяний древних преславное сбытие; радуйся, и в последняя времена живущих надеждо последняя. Радуйся, благая Вратарнице, двери райския верным отверзающая.

 Кондак 2


 Видяще миро, от иконы Твоея источенное, все множество молящихся пред образом святым ужасом и радостию исполняется и теплыя слезы от сердца сокрушеннаго приношает Тебе, яко жертву благодарения, да не уничижится предстательством Твоим к Сыну Твоему умиленный их глас: Аллилуиа.

 Икос 2


 Разум наш немощный недоумевает преславнаго чудесе изречения, како миро благоуханное, множицею от иконы Твоея источенное, аще единожды вкупе собрано будет, седмерицею тяготою своею сам образ превзыдет, мы же, таинству дивящеся, благодарно славословив Тя сице: Радуйся, благодати источниче неисчерпаемый; радуйся, чистотою безмерною Безмерному послужившая. Радуйся, Невместимаго всем миром вместившая; радуйся, Неописаннаго описана показавшая. Радуйся, в Вышних Живущаго к нам приведшая; радуйся, к восхождению на Небеса человеком послужившая; Радуйся, Рабо Господня смиренная; радуйся, Владычице чиноначалий ангельских. Радуйся, во святая святых воспитанная; радуйся, ни единаго же помысла возносливаго приемшая. Радуйся, Ангелом обрадованная; радуйся, во юдоли плачевной на земли пребывавшая. Радуйся, благая Вратарнице, двери райския верным отверзающая.

 Кондак 3


 Сила Вышняго и до ныне не оскуде, аще и оскудеша вернии и умалишася зело, но покровом Твоим присно покрываеми, Сына Твоего гнев праведный приложити на милость чаем, вопиюще Ему: Аллилуиа.


 Икос 3


 Имуще богатство неизреченныя милости Твоея, туне от иконы Твоея дарованныя, страхом исполняемся, грешнии, яко неисправлени пребываем, обаче паки на милость Твою дерзающе, со слезами, Владычице, к Тебе вопием: да не в суд или во осуждение чудес Твоих зрение нам вменится, но да поне наконец очищенным сердцем сподобимся и мы воспети Тебе таковая: Радуйся, Агнице, Агнца кроткаго рождшая; радуйся, яко от Иуды льва миру явившая. Радуйся, Бога безтелеснаго во чреве нетесновместившая; радуйся, плотию человеческою Того одеявшая. Радуйся, Материю ставшая и Девою пребывшая; радуйся, во двою естеству единаго Сына Твоего нам показавшая. Радуйся, благословения Отча приятелище; радуйся, Духа Святаго ковчеже преисполненный. Радуйся, сластьми душетленными неискушенная; радуйся, болезней матерних в рождестве не познавшая. Радуйся, грехопреклоннаго естества наследнице; радуйся, николиже насильству его уступившая. Радуйся, благая Вратарнице, двери райския верным отверзающая.


 Кондак 4


 Бурею христоубийства дышуще, приидоша в дерзновении мнозе копроними новии, за грехи наша на земли Русстей Богом попущеннии, олтари отеческия раскопаша и служителей Господни избиша, чад же их лестию безбожия развратиша и немнози вернии во отечествии и на земли чуждей сохранишася. Ты же, Владычице, не оставила еси их, но дивным явлением иконы Своея утешаеши со слезами Богу вопиющих: Аллилуиа.

 Икос 4


 Слыша о чудесех преславных, от иконы Твоея истекающих, весь мир, от Христа отрекшийся, недоумением одержимь безмолвствует, ничтоже бо возможет вопреки глаголати: вернии же, спасение Тобою улучивше, немолчными песньми вопиют Ти сице: Радуйся, благоверным царем державо; радуйся, воинству христолюбивому Воеводо победоносная. Радуйся, нечестивым агаряном присное посрамление; радуйся, многажды ратующия на люди Твоя разгнавшая. Радуйся, грады православныя от нашествия вражия покрывавшая; радуйся, к покаянию и молитве люди Твоя дивно наставлявшая. Радуйся, избранным молебником Твоим во славе являвшаяся; радуйся, волю Божию о спасении всех верных теми возвешавшая. Радуйся, гнев Божий от нас утолившая; радуйся, до конца погибнути во гресех нам не давшая. Радуйся, вдовствующаго престола царскаго на земли Местоблюстительнице; радуйся, Царице, с Сыном Твоим на Небеси присно царствующая. Радуйся, благая Вратарнице, двери райския верным отверзающая.


 Кондак 5


 Боготечною звездою верным сияеши, в разсеянии сущим, Владычице, иже сугубое изгнание терпящим: от рая отпавшим Адамовым прослушанием, от земнаго же удела Твоего Руси Святей промышлением Божиим изгнанным за грехи отеческия, да поне земнаго града лишеннии Небеснаго взыщем вседушно, идеже воспети некогда чаем: Аллилуиа.


 Икос 5


 Видеша вси концы земнии величие чудес Божиих, от иконы Твоея истекающих, и чудяхуся многому милосердию Твоему, о Владычице, разумеюще же нецыи от них, яко един есть Бог истинен, Сын Твой со Отцем и Духом покланяемый, вопияху Тебе сице: Радуйся, истины скрижаль богописанная; радуйся, благодати подаяние независтное. Радуйся, Церкве Православныя утверждение; радуйся, неведующим благое вразумление. Радуйся, от всех родов ублаженная; радуйся, разстоящия Сыном Твоим собравшая. Радуйся, чаяний ветхаго Израиля исполнение; радуйся, новым израильтяном Мати явльшаяся. Радуйся, неверных иудеев посрамление; радуйся, новый народ Божий от всех язык совокупльшая. Радуйся, Подательнице благ преходящих; радуйся, Хранилище сокровищ неиждиваемых. Радуйся, благая Вратарнице, двери райския верным отверзающая.


 Кондак 6


 Проповедника чудес Твоих и хранителя иконы Твоея в разсеянии Русстем не епископа, не князя, ниже монашествующих наставника избрала еси, но проста и иноплеменника родом, яко да никтоже по плоти похвалится пред Богом, но о сем да хвалится хваляйся, еже знати Господа и взывати Ему православно: Аллилуиа.


 Икос 6


 Возсиял еси всем концем земли свет православныя веры: Сын бо Твой по глаголу Твоему изгнанники смиренныя вознесе и теми во всяком языце алчующия благ духовных исполни, да вкупе вси вопиют Тебе таковая: Радуйся, апостолы древле иконою Твоею благословившая; радуйся, благодатию Сына Твоего образы Твоя снабдившая. Радуйся, поклонение пред иконами Твоими приявшая; радуйся, на первообразная тое направляти нас наставльшая. Радуйся, Спутнице незримая всем благовествующим; радуйся, укрепление чудное словесем их человеческим. Радуйся, копронимову ярость укротившая; радуйся, лютерово нечестие низложившая. Радуйся, от уязвленныя иконы древле кровь излиявшая; радуйся, от честно поклоняемаго списка тоя миро источившая. Радуйся, злобою движимым устрашение; радуйся, Духом Святым водимым укрепление. Радуйся, благая Вратарнице, двери райская верным отверзающая.


 Кондак 7


 Хотящим всем силам бездны адския веру православную до конца низложити дивное заступление остатку верных показала еси, Владычице, но и заблуждающим во тьме неверия милость Твою простираеши, да видяще очима своима чудеса древних краснейшая, умилятся сердцем и, мрак неверия разгнавше, Сыну Твоему возопиют: Аллилуиа.


 Икос 7


 Новые звезды на Небе духовнем Руси Святыя возсияша все множество страдалец от лютых христоборцев умученных, егда же и на земли новыя песни церковныя в похвалу их воспеты быша, тогда и икона Твоя миро начат изливати, знаменуя волю благую Господню о всецерковнем прославлении сих угодников верных Его, иже непрестанно во свете предстоят невечернем, ходатайствующе о вопиющих Ти таковая: Радуйся, древле Исаиею пророком предзренная; радуйся, даже до смерти лютыя от богоотступных тем воспеваемая. Радуйся, от напастей нечаянных избавление; радуйся, в попущенных нам от Господа скорбех укрепление. Радуйся, милостию Твоею к покаянию приводящая; радуйся, скорбными лечбами язвы наша греховныя врачующая. Радуйся, от смерти внезапныя исхищающая; радуйся, на муки и смерть за Христа благословляющая. Радуйся, мучеников пресветлая похвало; радуйся, страдалец победоносных укрепление. Радуйся, любящих Тя крестами венчающая; радуйся, поющия Ти прославляющая. Радуйся, благая Вратарнице, двери райския верным отверзающая.


 Кондак 8


 Странное и непостижимое промышление Господне о рабех Его в разсеянии русстем сущих людие православнии уразумеша, егда Ты, Владычице, чудоточное миро от иконы Твоея источивши, верныя Твоя возвеселила еси, вопиющия о Тебе: Аллилуиа.


 Икос 8


 Весь бе в нижних помышлением своим всяк благолепием внешним церковные точию хваляйся, и в дружестве с сильными мира сего залог благоденствия Церкве Христовой возмневший, мы же паче о Небесном заступлении Твоем, Владычице, всяческое тщание приложим, взывающе Ти таковая: Радуйся, мудрыя умом своим юроды показавшая; радуйся, твердого упование нашего не посрамившая. Радуйся, лукавых наветов отгнание; радуйся, простоты сердечныя благое венчание. Радуйся, Хитродетеля всяческих рождшая; радуйся, вся хитросплетения человеческия лжи растерзавшая. Радуйся, миролюбцем присноневедомая; радуйся, уповающим на Тя тайнозрение даровавшая. Радуйся, сильныя века сего со престол низложившая; радуйся, смиренныя преславно вознесшая. Радуйся, света и истины Мати; радуйся, всякия лести и тьмы прогнание. Радуйся, благая Вратарнице, двери райския верным отверзающая.


 Кондак 9


 Всякое естество человеческое да подвижится к похвалению Сына Твоего и пению множества щедрот Твоих, Владычице, и да не ищут утешеннии Тобою утешения инуде, но немолчным гласом да поют: Аллилуиа.


 Икос 9


 Ветия суемудреннии и пророцы лживии приидоша в последния дни сия, именем Твоим прелестная глаголюще и откровения от духа нечистаго приводяше, аки быша Тебе Самую видели, обаче вси, разумеюще чудес Твоих истинных бездну, суесловию сему веры не имут, вопиюще Тебе непрестанно: Радуйся, кроткая Царице; радуйся, николиже Себе величавшая. Радуйся, всеми роды блажимая; радуйся, никогоже поклонитися Тебе понуждавшая. Радуйся, посреде собора апостолов безмолвствовавшая; радуйся, молчанием Твоим паче словесе назидавшая. Радуйся, истинныя Премудрости Божия Мати; радуйся, с Сыном и Богом Твоим присно царствующая. Радуйся, существа Божественнаго присвоити Себе не дерзавшая; радуйся, истиннаго обожения по благодати паче всех сподобльшаяся. Радуйся, на Суде Сына Твоего Ходатаице последняя; радуйся, помышлением о судищи сем многия от погибели исхитившая. Радуйся, благая Вратарнице, двери райския верным отверзающая.


 Кондак 10


 Спасти хотя иногда икону Твою чудотворную от поругания нечестивых, преславно волною морскою понесла ю еси и иноком Горы Афонския в столпе светлом правошествующу по пучине даровала еси, но и списки с нея многими чудесы прославила еси, да вси благодарно зовут Богу: Аллилуиа.


 Икос 10


 Стена еси, Дево, православныя веры и благочестия истиннаго утверждение, аще бо и спеется путь нечестивых и вси творящии беззаконие угобзишася. Ты же паки путь един ко спасению показуеши, еже во исповедании правом стояти неколебимо и Тебе воспевати таковая: Радуйся, вся рабом Твоим к пользе творящая; радуйся, истинную пользу душ наших добре ведущая. Радуйся, от явления славы Твоея немощь нашу щадящая; радуйся, боголепную славу Твою зраком иконы скрывающая. Радуйся, избранником Твоим иногда яве представшая; радуйся, священный трепет их скоро на радость преложшая. Радуйся, немогущих зрети славы Твоея в тихости милующая; радуйся, миром чудным в тойже трепет нас приводящая. Радуйся, чудесы Твоими кроткими к покаянию нас наставляющая; радуйся, в вере истинней теми нас утверждающая. Радуйся, удивления празднаго от нас не приемлющая; радуйся, всецелаго обращения от всея души нашея взыскующая. Радуйся, благая Вратарнице, двери райския верным отверзающая.


 Кондак 11


 Пение хвалебное приношает Ти Русь Православная, не точию бо в разсеянии, но и во отечествии сущии раби Твои уведеша преславная чудеса от мироточивыя Твоея иконы и, яко сокровища многоценныя, мироуханныя струицы сохраняху, на мнозех летех благовония от них обоняюще, Богу же воспевающе: Аллилуиа.


 Икос 11


 Светоприемную свещу икону Твою даровала еси нам, Владычице, во тьме нечувствия пребывающим и в земных вещех утешение ищущим, но не обретающим, да возбнув от омрачения греховнаго, очи своя горе возведем, Тебе же возопием таковая: Радуйся, слезы от икон Твоих о нас источающая; радуйся, и нам слезы покаяния подающая. Радуйся, горьким скорби врачевством нас исцеляющая; радуйся, на радость печаль нашу прелагающая. Радуйся, православнаго отечествия лишение за грехи нам попустившая; радуйся, истинное Отечествие Небесное всем скорбящим о том уготовившая. Радуйся, узами скорбей от греховных тенет разрешающая; радуйся, знамением благосердия Твоего терпеливыя утешающая. Радуйся, единою мира каплею многия на земли веселящая; радуйся, море неисчерпаемое мира мысленнаго на Небеси имущая. Радуйся, молитвы хладныя нашея согреяние; радуйся, ума землеретнаго к Небеси возведение. Радуйся, благая Вратарнице, двери райския верным отверзающая.


 Кондак 12


 Благодати Твоея и щедрот насыщеннии обильно не приложения даров Твоих просим, Владычице, но паче еже прияти нам дары сия неосужденно и не истязанным быти нам о презорстве и небрежении в час судный, но, яко раби блазии и вернии, выну сподобимся Господу пети: Аллилуиа.


 Икос 12


 Поюще милосердие Твое превыше небесное, восхваляем Тя, Богородице, яко благую Заступницу нашу, в веце сем и в будущей жизни сладость нашу неизреченную, темже и вопием Ти таковая: Радуйся, милостию Твоею помышление всяко смиряющая; радуйся, страхом суда неужасно устрашающая. Радуйся, радостотворнаго плача подание; радуйся, смехотворства безумнаго угашение. Радуйся, дмение помыслов разгоняющая; радуйся, смирение лобзающих возносящая. Радуйся, покаяния предсмертнаго сподобляющая; радуйся, кончину христианскую подающая. Радуйся, на мытарствах воздушных верныя покрывающая; радуйся, едина надеждо души, от тела разлучившияся. Радуйся, грехов оставления просящим Ходатаице; радуйся, Небесныя награды дарование независтное. Радуйся, благая Вратарнице, двери райския верным отверзающая.


 Кондак 13


 О Всепетая Мати, от честных кровей Твоих Слово воплощенное рождшая и от иконы Твоея честныя миро источившая многоцелебное, нынешнее наше пение приими милостивно, яко да на земли дары Твоя благим усердием приемше, и Небесных Твоих благ не лишени будем, Сыну Твоему вопиюще о Тебе: Аллилуиа.


 (Этот кондак читается трижды, затем икос 1 и кондак 1)

  

 Молитва к Пресвятой Богородице перед Ея иконой, именуемой "Иверская Монреальская"


 О Преславная Госпоже, Царице Небесе и земли, Дево Богородице! Пред честною иконою Твоею ныне припадающе, умиленным сердцем вопием Тебе малое моление сие наше, яко раби неключими есмы, осуждение прияти имущии, но Твоим всемощным ходатайством Судии умилостивления чающии. Веруем и уповаем, Владычице, яко не хотяй смерти грешных Сын Твой ходатайству Твоему внемлет, и ныне известихомся о сем чудным знамением от иконы Твоея мироточивыя, от неяже и исцеления обильно источила еси всем с верою и любовию к Тебе притекающим. Сего ради и вопием Тебе со слезами: пощади окаянство наше, прости нам неверность нашу, сокруши гордыни нашея превозношение, отжени нечувствие от сердец ожесточенных, призри на воздыхание унынием боримых, уцеломудри нас будущаго воздаяния ожиданием. И подаждь, Госпоже, Церкви нашей в истине неколебимое стояние и в любви благое возращение, от всех козней бесовских и суемудрии еретических покрый нас и расточенныя верныя собери воедино, да вси на земли православно Тя славящии и в Небесных чертозех воспети сподобятся всечестное имя Святыя Троицы и Твое милостивное о нас заступление во веки веков. Аминь.

  

 Тропарь Пресвятой Богородице перед Ея иконой, именуемой "Иверская-Монреальская"


 Тропарь, глас 7


 От святыя иконы Твоея, о Владычице Богородице, миро благодатное источила еси обильно, верныя Твоя во изгнании сущия утешила еси и неверныя светом Сына Твоего просветила еси. Темже и припадаем к Тебе, Госпоже, со слезами: милостива нам буди в час судный, да некако толикую милость Твою восприявше, яко презорливи наказани будем, но подаждь нам Твоими молитвами плод духовный принести и спаси души наша.

24 ноября 2019   Просмотров: 25 438